TACLOBAN CITY– Padayon an ginbabantayan ngan gin-aasisteran hiton Traffic Operation Management Enforcement and Control Office Tacloban, (TOMECO) adton mga bisita ngan mga namamasyada ha Sangyawan ground nga nahihimutang ha Marasbaras Tacloban.
Sumala kan Restituto Reglos, Operation and Enforcement TOMECO, ha pagkayana an parking lot hiton usa nga mall nga harani ha nasabi nga Sangyawan grounds, in abre para hiton pagparada han mga sarakyan, agud nga dire ine makagdurot hin congestion labi na nga haligot an karsada ha nasabi nga area.
Dugang pa hine, nga ha pankabug-usan nga sitwasyon in normal naman an dalagan han trapiko ha nasabi nga area.
Aminado ine nga nakaka-abat hira hiton pagbugiot sarakyan kun naabot na iton rush hours.
Nagpahimatngon naman ine ha publiko, para hadton mapakanhi ha downtown area, nga mas maupay gumamit nala anay ine hin iba nga ruta, agud nga dire malangan ha ira mga buruhaton ha syudad.
