-- Advertisements --
NATIONAL NEWS– Ginbasura han Court of Appeals hiton Timor Leste ang motion for reconsideration nga ginsalawad ha ginpalusad nga manbaralaod nga hi Arnolfo Teves Jr nga baliktaron an desisyon nga tugutan an extradition.
Subay ha Department of Justice ine an ginhatag nga impormasyon ha ira hiton prosecutor general han Timor-Leste.
Waray naman maghatag pa hin kadugangan nga detalye an DOJ kasumpay ha desisyon han korte.
Manunumduman, han nakalabay nga Hunyo, gintugutan han appellate court ha Timor Leste an request han gobyerno hiton Pilipinas para ha pag-extradite kan Teves nga gin-aresto ha Dili hadton nakalabay nga bulan han Marso mahuman an Interpol red notice.
