TACLOBAN CITY – Dire magdudumara hin tigil-pasada an mga operator ngan driver han mga jeepney ha syudad han Tacloban. ‘
Sumala kan Leo Timplado, Board of Director ngan Vice Chairman han Tacloban-Marasbaras Drivers and Operators Transport Cooperative (TAMADOTCO), an kaurugan la daw nga karuyag magdumara han tigil-pasada in amu an mga drivers nga dire bulig ha mga kooperatiba.
Para naman daw ha ira nga aada ha sulod han kooperatiba in pabor ine haira mahitungod nga damu nga obligayon daw iton ira ginsusunod sugad nala kun nagpapare-new hira, damu daw nga ahensya hiton gobyerno iton an ira gin aagian anay ugsa hira nga makarenew pero an mga indibwal nga drivers daw in madali-dali la nga nakakapan-renew han ira mga rehistro.
Dugang pa hine, halaba na daw nga panahon an gin hatag ha mga indibwal nga driver para makapagpamembro ha mga kooperatiba pero hasta yana in waray pa daw magpamembro an iba han mga ine.
Manunumduman nga ginpahayag hiton national nga kutob nala yana nga Hunyo 30 an pagbiyahe han mga traditional jeepney mahitungod han pagbubuhaton nga modernization.
