NATIONAL NEWS– Ginkumpirma han gobyerno hiton Timor-Leste nga nakatalaan nga pabalikon ha Pilipinas an ginpalasik nga kongresista nga hi Arnolfo Teves Jr.
Subay ha Timor-Leste government, an presensiya ni Teves in nagrerepresenta hin seryoso ngan dire maupay nga sitwasyon.
Ine in naguguba ha bilateral relations ha butnga han Pilipinas ngan Timor-Leste.
Mababaruan, nagkamayda na hin dire maupay nga imahe an Timor-Leste matungod nga dalagnan ine hiton mga indibidwal nga nalikay ha hustisya o sirot, nga nakakaguba han integridad ha ira borders ngan pag-kontra ha transnational crimes.
An desisyon han Timor-Leste government nga pabaliko hi Teves ha Pilipinas matungod nga waray legal nga authorization hi Teves mahuman nga kanselahon an iya pasaporte.
Dugang pa han gobyerno hiton Timor-Leste matungod ha krimen nga ginhimo ni Teves ha Pilipinas ginpapagbawlaan na ine nga makasulod ha ira nasud ha sulod hiton 10 katuig subay ha ira migration ngan asylum law.
