-- Advertisements --
TACLOBAN CITY–Ginbabana-bana han Leyte Metropolitan Water District (LMWD), nga mahuhuman na nira an ira gindudumara nga testing hiton linya ha bulan hiton Marso.
Sumala kan LMWD General Manager, Ronie Cornico, nga an leak and pressure test nala an ginhihimo ha pagkayana agud nga magin hapsay na an awas hiton tubig ha mga konsumidor.
Ginpaangbit naman hine nga waray naman paghitaas hiton kabaraydan han mga konsumidor para hiton ira linya han tubig.
Naghangyo naman ine ha mga konsumidor nga mag-angan-angan matungod nga gintratrabaho na han iya mga tinaglawas han ira buhatan an ikaka-upay nga serbisyo para ha ngatanan.
