-- Advertisements --
TACLOBAN CITY – Ginpahayag han Filipino-Chinese Chamber of Commerce and Industry Tacloban Chapter nga hinay-hinay na an ira pangandaman para ha pagtapod han Chinese New Year yana nga Pebrero 12.
Sumala kan Colai Go,Director han Filipino-Chinese Chamber of Commerce and Industry Tacloban Chapter, nga padayon la gihapon an ira mga tradisyonal nga buruhaton kada chinese new year labot nala an dragon dance matungod nga ini in temporaryo la anay nga iginbabawal ha siyudad.
Dugang pa niya nga diri naman dako nga kawarayan an temporaryo nga pagpaundang han dragon dance matungod damo pa man daw an ira iba pa nga pampaswerte nga ritual.
