TACLOBAN CITY – Tagmo 4 kabulan yana nga adlaw tikang han magkamayda hin pagpanpan han tuna o landslide ha Brgy.Pilar Abuyog Leyte.
Sumala kan Hon. Lemuel Gin Traya, Mayor han Abuyog Leyte, maabot ha sobra 100 nga pamilya yana an nagpapabilin ha ira evacuation center samtang an iba naman in nakiki-ukoy ha ira mga paryente.
Ginpaangbit han nasabi nga opisyal, nga padayon an ira gindudumara nga paghingayad para han temporary shelter kun diin mayda maabot 80 units an ginmamalahuman ha syahan nga phase nga igpapanhatag para ha mga biktima ngan ine in ginpapangunahan hiton DPWH ngan hiton OCD.
Samtang, dungan naman nga ginhihingayad an ira permanent shelter kun din mayda maabot 150 na units an ginhihingayad han USIAD ngan iOM.
Mababaruan nga mayda maabot 149 nga mga biktima nga pamilya an ginbabana bana nga makaka tagamtam han mao nga mga pabahay.
Hapagkayana, papag himangrawan pa kun san-o ngan anu nga petsa ine igpapanhatag an temporary shelter.
Samtang ginhihingita naman han iOM ugsa nga mahuman an October yana nga tuig maipapanhatag na an mga permanent shelter ha mga biktima han landslide ha Abuyog Leyte.
