Nagpasikat an kilala nga YouTuber nga hi Lily Hevesh, mas kilala kumo Hevesh5, mahuman nga makig-collaborate ha usa nga grupo han magkarit nga domino artists agud maghimo hin pinakahitaas nga domino tower ha kalibutan.
Nahitabo an makasaysayanon nga record attempt ha National Building Museum ha Washington D.C., kun diin inabot hin lima kaadlaw ugsa mabug-os an tore nga umabot ha kahitaas nga 10.128 meters nga kaparehas han usa nga three-storey buidling o poste han kuryente.
Kaupod ha grupo ni Lily an mga eksperto tikang ha United States, Netherlands, Belgium, ngan Germany. Ha kada butang ha domino, mas nagigin makuri ngan delikado an trabaho mahitungod nga ha usa la nga sayop, in pwede lumaprak an bug-os nga istruktura.
Ha kaluyo han pira nga aberya ngan ubusay nga paglaprak han pira nga parte, nagdesisyon an team nga magpadayon. Han maibutang an urhi nga domino, nagrayhak an mga magkirita ngan nagharangkupay an grupo ha kalangpusan hini.
Kumo selebrasyon, igin itsa nira an usa nga stuffed sto nga squirrel ha tuktok han tore nga domino ugsa in tumbahon.
Opisyal na nga ginkilala han Guinness World Records an ira obra kumo “Tallest domino structure”.
Usa na liwat ini ng dugang ha koleksyon han mga world records ni Hevesh5, nga dati na gihapon naghimo hin iba pa nga dako nga domino projects.
