TACLOBAN CITY – Ginsasalin-urog yana nga bulan hiton Setyembre an Teachers’ Month kun diin yana nga adlaw an nagin pagtikang hine.
Para han yana nga tuig, an tema hine in amu an “Together4Teachers”.
Sumala kan Jasmin Francisco-Calzita, Information Officer hiton Department of Education (DepEd) Regional Office 8, may-ada hira ginpadara nga 50 nga kamaestrahan ha Bohol para han selebrasyon han World Teachers’ Month, kun diin magigin representante an mga ine para ha nasabi nga selebrasyon.
Dire naman daw ngatanan nga kamaestrahan in nahiaapi o nahiuupod ha paglakat mahitungod nga limitado la an slots hine ngan dire gihapon sugad kadako an budget para hine, mababayaan daw gihapon an mga klase sanglit an mga representante nala daw han kada dibisyon an ira ginpadara.
Para naman daw han selebrasyon han kada iskuylahan in magkakamay-ada an mga ine hin kalugaringon nga selebrasyon.
