TACLOBAN CITY – Kumpyansa an Bureau of Internal Revenue (BIR) dinhi ha Sinirangan Bisayas nga makakab-ot hini an Tax collection goal yana nga tuig nga 15 bilyones ka pesos.
Sumala kan BIR Regional Director, Atty. Edith Yap nga makakabulig an ira mga computerization projects nga ginpapatuman agud naman nga mapadurudagmit an pangolekta han buhis.
Subay ha ahensya, in nakakolekta na hin 11.47 bilyones ka pesos nga buhis an rehiyon tikang dida han Enero kutob Setyembre yana nga tuig.
Nangunguna ha tax collection an mga Revenue District Offices han Tacloban nga may-ada 4.97 bilyones pesos, ngan Ormoc nga may-ada naman 2.55 milyones pesos, kun diin nahimumutang an mga dumagko nga mga negosyo.
An Calbayog in nakakolekta hin 1.24 bilyones pesos, Catarman, 982 milyones pesos, Borongan, 898 milyones pesos ngan Maasin, 820 milyones pesos nga buhis.
