TACLOBAN CITY — Ginkokonsidera han Regional Director han Department of Social Welfare and Development (DSWD) Regional Office 8 nga dako nga kawarayan an pagbasura han Commission on Appointment (CA) ha appointment ni anay Secretary Judy Taguiwalo.
Ha pakikipaghimangraw han Bombo Radyo Tacloban kan DSWD Regional Director, Restituto Macuto, ginpahayag hini nga nanganganugon hiya nga na reject an mao nga appointment tungod nga ha pira ka bulan nga paglingkod hini kumo kalihim han DSWD in nakitan na an mga maupay nga natikangan hini.
An kaparte han pamahayag ni Restituto Macuto, DSWD Regional Director
Sugad man hingyap naman han mao nga Director nga unta in igpadayon han masunod nga matatalaga nga kalihim han DSWD an mga natikangan ni Taguiwalo.
Manunumduman nga dida han Agosto 13 in dayon na nga ginbasura han makapangyarihan nga Commission on Appointments (CA) an kumpiramsyon ni DSWD Sec. Judy Taguiwalo kun diin damo an nagpahayag hin pagkadismaya.
