TACLOBAN CITY – Naglunsar an Tacloban City Agriculturist Office kasugbong an TESDA, hin scholarship program ha agrikultura para ha kabataan, parag-uma ngan parupangisda.
Kalakip dinhe an National Certificate II (NC II) on Organic Agriculture, 29-ka-adlaw nga intensive training nga may ₱160 daily allowance.
Pagkahuman han training, magigin sertipikado nga mga practitioner na an mga ine ha organic agriculture.
Abre naman an programa ha tanan nga Taclobanon, tikang ha elementary ngan high school level kutob college graduates, kalakip na an mga anak hiton parupangisda ngan parag-uma.
Kinahanglan la nga mag-enroll ha Office of the City Agriculturist ngan magpakita hin valid ID ngan 2×2 o passport photo.
Manunumduman han 2024, umabot ha 25 scholars kada batch kalakip na an 57 nga anay rebelde ngan mga Persons Deprived of Liberty (PDLs), nga maki-usa ha National Urban ngan Peri-Urban Agriculture Program.
Kinahanglan naman nga tanan nga aplikante in dapat rehistrado ha Registry System for Basic Sectors in Agriculture (RSBSA) agud nga makakuha hin bulig ha gobyerno.
Gintagan duon nga prayoridad la gihapon an paggamit han hibaro para ha pagparibhong han agrikultura ha Pilipinas labi na an gobyerno an nagastos han ira training.
