TACLOBAN CITY – Naghatag hin bulig an syudad han Tacloban ha pamilya han street sweeper nga ginbuno ha may Juan Luna St. corner Avenida Veteranos St.
Sumala kan Tacloban City General Services Office Head, Engr. Leo Parado, umabot ha P20,000 an ginhatag nga bulig-pinansyal han syudad, pinaagi han City Social Welfare Development Office.
An nasabi nga biktima in usa nga daytime street sweeper nga kaparte han Limpyo Tacloban ngan naka-assign ha downtown area an syudad.
Samtang, mahitungod han nasabi nga panhitabo in naapektaran daw gihapon an iba nga kaupod hine ha trabaho mahitungod nga nagdurot ine hin kahaldok ha iba nga mga street sweepers han syudad.
Manunumduman nga ginpamuno an biktima ha nasabi nga lugar samtang naniniphid ine kaupod an iba pa nga street sweeper, kun diin gin aalegar nga mahitungod han pangabugho an rason han pagbun-a hine.
