TACLOBAN CITY – Nagin manilapuson an gindumara kakulop nga adlaw han Department of Trade and Industry DTI-8, nga Gawang-Otso Eastern Visayas Trade Fair, ha usa nga mall ha syudad han Tacloban.
Panuyo han mao nga aktibidad in ig-promote an local artisan products han rehiyon.
Sumala kan Aivie Borbon Ancheta, Information officer han DTI-8, nga an mao nga aktibidad in kutob ha Agusto 21 yana nga tuig.
Maabot naman ha 62 nga mga producer-exhibitors an naki-usa ha mao nga aktibidad.
Target naman nga makakab-ot han mao nga ahensya an 2.5M nga sales para ha upat ka adlaw nga trade fair.
Ginmalatumat naman hine nga 50% in nagkakakamayda hin link an mga producers mahuman an trade fair, sanglit dako nga bulig an pagkakamayda hin sugad hine nga aktibidad han DTI-8, ilabi na yana nga hinay hinay na nga nabakdaw an pagkabuhian tikang han nakalabay nga 2 katuig durot han pandemya.
Ngapapabelin naman an minimal an presyo han mga produkto nga ira ginbabaligya bisan ha kaluyo nga mayda paghitaas yana han mga raw materials sugad han asukar nga pangunahon nga gingagamit ha paghimo han mga native products.
