TACLOBAN CITY – Nadakpan na an mga suspek han nahitabo nga pangawat dida han Marso 1 ha kadalanan han Real Street syudad han Tacloban.
Sumala kan PMaj. Marjorie Manuta, Information Officer hiton Tacloban City Police Office, gin panginano nira an mga CCTV nga gin agian han mga suspek kun diin nakit-an an duha nga suspek nga sumakay hin motor.
Pinaagi naman han motor nga ira ginsakyan in nahibaruan han mga otoridad kun hino an mga suspek.
Dara an CCTV footage in ginkadto han mga kapulisan an balay han mga suspetsado kun diin ginkumpirma mismo han tatay han an usa nga suspek an iya anak an nakadto han footage. Nahibalik naman an wallet ngan nakuha ha biktima kaupod an mga IDs hine pero an kwarta, tubigan, ngan gutiay hine nga bag in waray na kahibalik
Hapagkayana in gin pasakahan an mga suspek hin kaso nga robbery with violence and intimidation.
