INTERNATIONAL – Naipadara na han World Health Organization (WHO) an haros tulo ka-tonelada nga medical supplies, kalakip na an trauma kits ngan multipurpose tents ha Nay Pyi Taw ngan Mandalay agud mabuligan an yinukot-yukot ka-tawo nga apektado han mga makusog nga linog ha Myanmar.
An mga nasabi nga suplay in dumangat dayon ha sakob la han 24 ka-oras mahuman an mga linog nga mayda kusog nga 7.7 ngan 6.4 magnitude.
Padayon naman nga nagdudumara hin rescue operations, pero an mga ospital in duro nga nabubug-atan mahitungod han kadamo han samaran nga nanginginahanglan hin atensyon medikal.
Plano han WHO nga magpadara hin ika-duha nga batch hin Inter-Agency Emergency Health Kits nga may kapasidad nga tambalon an 10,000 ka-tawo ha sulod han tulo ka-bulan.
Samtang, mahitungod naman ha dako nga danyos, padayon nga nagigin ayat an solusyonan an pankinahanglan han health care ha Myamnar, nga anay na nga umatubang ha humanitarian health crisis.
