-- Advertisements --
TACLOBAN CITY – Supresyente pa an suplay han tubig ha syudad han Tacloban ine in ha kaluyo han hulga han El Niño.
Sumala kan Ronnie Cornico, General Manager hiton Leyte Metropolitan Water District, sakto pa an suplay han tubig pero nangangandaman la gihapon hira in kaso nga maapektaran hine an suplay han tubig ha syudad.
Nagkontrata na daw gihapon hira hin mga tanker in kaso nga magpadayon an El Niño in mayda na hira andam nga igsusuplay ha mga lugar nga makukulangan hin tubig.
Samtang, padayon naman daw an gindudumara nga pamalhin han mga tubo ha bag-o nga linya ha downtown area.
Mahuman na ngani ine in magmamaupay na daw an pressure mahitungod nga malilikayan na an mga illegal tapping.
