TACLOBAN CITY – Usa nga insidente hin sunog an nahipatik ha Brgy. General Lucban, Bobon, Northern Samar.
Ginkilala an tag-iya han balay kan Christian Mark Mijares. 44-anyos anyos an pangidaron, ngan residente han nasabi nga lugar.
Sumala kan SFO2 Dimocrito Galupo, Chief Investigator hiton Bobon Municipal Fire Station, nagtikang an sunog dida han alas-7 han kagab-ihon ha nasabi nga lugar ngan naparong naman dida han alas-8 han kaparehas nga gab-i kun diin involved hine an usa nga residential house.
Basar han inisyal nga imbestigasyon, nagkamay-ada hin brown out ha nasabi nga lugar sanglit nagpaandar hin generator set an nasabi nga balay kun diin usa daw nga bata an nakakita nga nagtikang an kalayo an generator set.
Ginbabana-bana naman nga maabot ha more or less P500,000 an ginbayaan nga danyos han sunog.
