TACLOBAN CITY – Padayun nga nagpapatambal yana an usa nga sundalo mahuman ini nga pagpusilon ha Poblacion 1, Catubig, Northern Samar.
Ginkilala an biktima nga hi Pvt Laurence Ladiente, 25 anyos ngan naka assign ha 20th IB ha San Jorge Samar.
Sumala kan PMaj Manuel Castillo, Hepe han Catubig MPS, nga sumakay daw an mao nga biktima hin habal-habal nga pakadto unta hiya ha may diversion han mao nga bungto
Kaburu butngaan han biyahe in tigda ini nagpa-para agud nga umihi anay ha ligid han kalsada.
Ngan dida han pag ihi niya in tigda nala ini ginpanmumusil hin waray pa makilal-e nga suspek.
Naigo an biktima ha wala nga dapit han paa.
Samtang, nag-return fire man an mao nga sundalo rasun nga magka kalagiw an mga suspek.
Ha pagkayana in nagpapadayun pa an imbestigasyon han Catubig MPS bahin ha mao nga insidente.
