NATIONAL–Nagpapahimatngon hi Philippine NAtional Police (PNP) Chef General Jose Melencio Nartatez Jr. ha mga manager ngan personnel han mga gasolinahan nga mahihiupod ha hoarding hin mga produkto petrolyo ha butnga han paghitaas han presyo durot han epekto han padayon nga krisis ha Middle East.
Ha usa nga pahayag han Lunes, Marso 9, ginpahayag ni Nartatez nga ginbabantayan han ira mga intelligence units an mga bodega mahitungod ha posibilidad han hoarding ngan kaparehas pa nga iligal nga mga buruhaton.
Pahimatngon han ulo han PNP nga ira dadakpan an hin-o man nga maaktuhan nga iligal nga nagtatago hin suplay agud nga igpahitaas an presyo han petroleum products.
Sumala pa ha PNP Chief, gintokahan an Criminal Investigation and Detection Group, ngan Highway Patrol Groupagud nga bantayan an posible nga aktibidad hiton hoarding.
Gintikangan na gihapon han law enforcement agency an pakikipagbulig ah Department of Interior and Local Government (DILG) agud nga mapanginano kun nasunod an mga paragbaligya hin petroleum products ha ira nasasakopan ha direktiba han Deparment of Energy (DOE).
