TACLOBAN CITY – Papatikangan na yana nga domingo han St. Anthony of Padua Parish ha Tabon-tabon Leyte an paggamit han ira kalugaringon QR code system.
Sumala kan Seminarian Mark Cañon, han St. Anthony of Padua Parish, matungod nga damo iton mga taga tagharani nga bungto an napakadto ha ira simbahan para magsimba nag desisyon an ira pamunuan nga magmugna hin kalugaringon nga mga QR codes nga hira mismo an maghahatag ha ira mga manirimba.
Dugang pa hini nga nakag print na hira han 1st batch han mga QR codes gamit an ira mga contact tracing list o form dida han nakalabay nga domingo.
Para naman ha mga karuyag nga kumuha hin QR codes para ha pagsimba ha St. Anthony of Padua Parish kinahanglan la nga mag filled up hin form nga makukuha ha simbahan ngan pupuydi gihapon pinaagi ha online.
Ginklaro naman hini nga waray limitasyon an ira paghatag hin QR codes ngan ini in libre ngan laminated na nga ighahatag ha tanan nga mga manirimba nga magpaparehistro anay ha ira.
