TACLOBAN CITY – Gin-abrehan hiton Social Security System (SSS) Tacloban, ha mga miyembro hine nga magkamayda hin Retirement ngan Savings ha ira buhatan pinaagi hiton Pension Booster Program.
Sumala kan Matthew Matienzo, Information Officer han Social Security System Region-8, nga pwede na mapahitaas han mga miyembro han SSS an ira retirement ngan savings pinaagi hiton MySSS Pension Booster Program nga kun diin mayda ine 7.2% annual return rate.
An nasabi nga MySSS Pension Booster Savings schemes, in kaparti han reporma alinsunod ha Republic Act No. 11199 o an Social Security Act of 2018.
Gin-aaghat naman hine an publiko, partikular na adton miyembro han SSS, nga kun karuyag han mga ine nga magin durodako an ira pension nga makakarawat ha ira retirement, in pwede an mga ine nga mag-avail in boluntaryo han MySSS Pension Booster Program.
Para ha mga interisado, kinahanglan la nga bisitahon an ira mga online account, ngan para naman han mga waray pa pwede nga mag register pinaagi han ira website an SSS.gov.ph,.
Ginpaangbit pa hine, nga ada naman ha minimum nga P500.00 paigbaw an pwede nga ighulog han kada indibidwal nga ma-avail han mao nga programa.
