TACLOBAN CITY — Naatubang yana ha kaso nga panlugos hin usa nga menor de edad hi Southern Leyte Governor Christopher Yap.
Ini in mahuman nga magreklamo ha mga otoridad an 17 anyos nga biktima nga gintago nala ha ngaran nga “Gina”, residente han Barangay San Jose, Sogod Southern Leyte.
Sumala kan SPO2 Norma Maceda, han Women Child Protection Desk (WCPD) han Sogod PNP, gin aalegar nga duwa ka beses nahitabo an panmomolestiya han mao nga gobernador ha biktima.
Syahan hini, nagtikang an panmolestiya ha biktima dida daw han nakalabay nga Nobyembre 2016 ha usa nga gasolinahan ha mao nga lugar kun diin gintarhog pa ini amu nga waray hiya magsumat anay.
Ikaduwa naman dida naman han Nobyembre han nakalabay la nga tuig in ginprobaran na naman daw hiya paglugosa utro ha sakob han kasilyas han pareho la gihapon nga gasolinahan.
Samtang, waray pa naman magpagawas hin anuman nga pahayag hi Gov. Yap kaparte han ginkakaatubang nga kaso.
