TACLOBAN CITY – Gin pahayag han City Social Welfare and Development Office ha publiko labi na ha mga senior citizens han syudad han Tacloban nga gin tatalinguha han City Government Unit nga matikangan yana nga semana an payout han Social Pension.
Maabot gudman ha sobra 7,000 an mga recipients han Social Pension ha syudad han Tacloban an nakatalaan nga kumarawat han ira mga binulan nga pension ngan makakakarawat hin 6,000 pesos tinikangan han mga bulan han Enero ngada ha Hunyo.
Sumala kan Office of the Senior Citizens Affairs Tacloban President Flordelis Menzon, agud diri magin masamok an payout in mahihinabo an pag release han pension kada barangay han syudad kun diin an mga lista han qualified nga mga social pensioners in iginhahatag han ira opisina ha City Social Welfare and Development Office agud makita ngan ma validate kun an mga kaapi ha lista in mga eligible nga recipients.
Samtang, sumala naman kan CSWDO Head Fe Chona Bahin, nakatalaan an mga senior citizens nga naguukoy ha norte nga dapit han Tacloban nga mahiuna ha payout mahitungod nga an mga payroll han mga ini an nauna pag proseso han city accounting office.
Gin panhimuwaa naman ni Bahin, an mga hurob-hurob nga waray pundo ngan waray budget nga igin alutaga an DSWD para ha mga social pensioners han syudad.
Sumala kan Bahin, rason han pagkakadelatar han pag proseso han pondo ngan pag download ha city government in mahitungod han election ngan umagi pa an mga papel ha Sangguniang Bayan. (via Bombo Niña Magpili)
