KANANGA, LEYTE – Arestado an suspek nga hi alyas Basilyo ha gindumara nga buy-bust operation han mga otoridad ha Sitio Riverside, Brgy. Poblacion, Kananga, Leyte, dida han nakalabay nga adlaw.
An suspek nga hi alyas Basilyo in kilala nga High-Value Target ha Regional Level, 41-anyos an pangidaron, ngan residente han Brgy. Aguiting, Kananga, Leyte
Nakuha ha suspek an usa nga medium-sized han heat-sealed transparent plastic sachet nga mayda sulod han gin aalegar nga shabu—an subject of sale; usa pa nga medium-sized nga heat-sealed transparent plastic sachet nga mayda gihapon sulod nga gin aalegar droga; usa nga large-sized han heat-sealed transparent plastic sachet nga gin aalegar gihapon nga mayda sulod nga shabu; ngan pira nga mga drug paraphernalias.
Ada naman ha 207 ka-gramos an timbang han mga nakuha nga gin aalegar nga shabu, ngan nagkakantidad hin P1,407,600.
Ha pagkayana in kapot na han mga otoridad an suspek ngan nag-aatubang ha kaso-pagtalapas han RA 9165 o Comprehensive Dangerous Drugs Act of 2002.
