TACLOBAN CITY – Ginpahayag han Commission on Higher Education (CHED) Regional Office 8 nga maabot na ha 23 nga mga unibersidad ngan kolehiyo ha rehiyon an nagtikang na han implementasyon han limited face to face classes.
Sumala kan Maximo Aljibe, Regional Director han CHED Regional Office 8, ngada pa han Marso 18 nakagtikang an pira nga mga higher education institutions han ira limited in-person classes dire la para han mga medical courses kundi iba pa nga mga programs o kurso ha kolehiyo.
Kaparte hini in mahugot naman an pagpatuman han mga health protocols kontra COVID-19 ha mao nga mga eskwelahan kalakip na an pag-implementar han 1.5 meter physical distancing, pagsusul-ot hin face mask ngan iba pa.
Kinahanglan gihapon nga mayda isolation o quarantine area han kada eskwelahan ngan gintatagan hin prayoridad an mga estudyante nga fully vaccinated na kontra COVID-19.
Ginlalauman naman ha masunod nga mga semana nga madudugngan pa an ihap han mga state universities and colleges ha rehiyon nga makakapagtikang na han limited in-person classes.
