TACLOBAN CITY – Umabot ha kabug-usan nga 23 nga kaso han firework-related injuries an nahipatik ha sinirangan bisayas mahuman nga madugangan ini 15 nga panibag-o nga kaso.
Sumala kan Department of Health Eastern Visayas Information Officer, Jelyn Lopez Malibago, nga basar ha ginpagawas nga datos han ira buhatan nga kadam-an han mga kaso in tikang ha probinsya hiton Samar nga ginsundan naman han Leyte, Tacloban City, Eastern and Northern Samar ngan Southern Leyte.
Dugang pa hini nga aada ha 21 nga mga lalaki ngan duha naman nga mga babaye an naitala nga mga biktima.
Kadam-an han mga naitala nga mga biktima in an mga nag-e-edad 11 ngada ha 20 anyos nga kun diin may-ada ini ihap nga 8 nga mga lalaki ngan usa nga babaye.
Basar han ira datos nga an nasabi nga insidente in durot han pagpabuto han mga illegal nga paburuthon sugad hiton kwitis, lantaka, whistle bomb, fountain, five star, sparklers, ngan pla-pla.
Samtang, dugang naman ni Malibago, nga aada na ha 78% an nahipatik nga nagkamay-ada hin minor nga mga samad ngan pagkapaso han ira mga kamot ngan iba pa nga mga parte hiton ira lawas mahitungod hiton mga pabuto.
Aada naman ha 3 an nagkamay-ada hin eye injury ngan duha naman an na utdan hin mga tudlo.
