NATIONAL – Nakakarawat na an Commission on Elections hin kabug-usan nga 104 nga petisyon agud nga ideklara an pira nga aspirant para ha 2025 midterm elections kumo nuisance candidate.
Sumala ha clerk office han poll body, nagpapabilin nga pending para ha pangita an tanan nga 104 nga ginsumite nga petisyon.
An komisyon gihapon mismo in nakapaghipatik hin 117 special action cases nga naghahangyo gihapon agud ideklara an usa nga aspirant kumo nuisance candidate nga subject ha ira kalugaringon nga imbestigasyon.
Labot la hini, mayda gihapon 24 nga special action cases nga ginsumite agud kanselahon an certificate of candidacy han pira nga mga aspirants ngan usa nga kaso para ha diskwalipikasyon.
Ha kabugusan, sumala ha poll body aada ha 246 special action cases na an ira nakarawat may kasumpay ha eleksiyon han masunod nga tuig.
