TACLOBAN CITY – Nakaanggkon hin pira nga pagbatikos an pagpatuman han smoking ban ha syudad han Tacloban.
Ini in mahitungod han diri mahugot nga pagpatuman han mao nga balaud ha mga drivers han pampasahero nga sarakyan ha syudad.
Samtang, magpapatuman an siyudad han Maasin hin usa nga ordinansa nga nagmugna hin usa nga Task Force Tobacco-Free City para mas pahuruhuguton an kampanya kaparte ha paninigarilyo.
An mao nga ordinansa in ginpangunahan ni Vice Mayor Maloney Samaco nga panuyo nga maging Smoke-Free an siyudad han Maasin.
Mayda naman usa nga special body nga matutuk ha pagpatuman ha tobacco-free nga programa ngan ini in igpapakalat ha 70 nga mga barangay han siyudad.
Lakip gihap hini an paghatag hin edukasyon kaparte ha mao nga tobacco-free nga kampanya.
Manunumduman nga di pala iha in naghatag hin pasidungog an siyudad han Maasin ha mga barangay nga mahinungdanon nga nagpatuman ha anti-smoking campaign.
