TACLOBAN CITY – Gin bisita han Lokal nga Pangobyernuhan han Bontoc, Southern Leyte an SMART Indoor and Vertical Hydrophonics Farming Technology and Tacloban Agricultural Crop Resources Hub han Tacloban City Agriculture Office.
Sumala kan Tacloban City Agriculture Office Head, Romelo Anade, ine in kaparte han Annual Benchmarking Activity han nasabi nga bungto kun diin nabisita an mga ine ngadto han mga lugar nga may-ada mga model hin agriculture-related technologies.
Kilala manggud an SMART Farming han syudad mahitungod nga ine an pinakasyahan nga nagkamay-ada han gintatawag nga “state of the art” SMART Indoor and Vertical Hydrophonics Farming Technology ha bug-os nga Sinirangan Bisayas.
Gintawag ine nga “state of the art” mahitungod nga ngatanan han kinahanglanon hine in kontrolado na han makabag-o nga teknolohiya gamit la an mobile application.
An temperatura, tubig, suga, ngan nutrisyon nga kinahanglan han tanom nga ada ha sulod hine nga SMART Farming in nakikit-an na pinaagi han application nga naka-intall ha cellphone, sanglit mas madali na an pagtudlok kun anu an kinahanglan han tanom.
Ha pagkayana in ada ha ikatulo nga pagharvest han mga tanom tikang ha nasabi nga tanuman, kun diin magkaduru-dilain nga klase hin lettuce an tanom hine.
Usa gudman nga high-value crops an lettuce kun diin dire la ha syudad ngan rehiyon in-demand an nasabi nga produkto kundi ha bug-os nga nasud.
