TACLOBAN CITY – Nagkamay-ada hin proyekto an SK Chairperson han Barangay San Saturnino Borongan City, pinaagi hin paisan-isan para han mga kabataan ha ira barangay nga na-edad hin 15-30 anyos.
Sumala kan Trixie Lyka Beato, SK Chairperson han Barangay San Saturnino, Borongan City, may-ada niya 40 nga partisipante hine nga proyekto, upat ka grupo ngan mayda 10 nga indibidwal kada grupo.
Kada grupo in may-ada area nga 10×10 sq. meters nga pagtatamnan ngan mapili hira hin lugar kun diin nira karuyag, ha mao la gihapon nga barangay.
Duha ka klase hin utanon an ira itatanom, madahon (leafy) ngan nabunga (fruit bearing). An mga liso naman nga itatanom in hatag han Brgy.Council han mao nga Barangay.
Dugang pa han nasabi nga opisyal, nga nakuha ine niya nga ideya haiya naman tatay mahitungod nga usa gihapon ine nga parag-uma ngan para mahibaro an igkasi batan-on ha pagtanom ngan makapagpartisipar hin sugad hine nga klase hin aktibidad.
Naghatag naman ine hin pahinumdom ha igkasi kabataan, nga yana pala in mas maupay na nga magtikang pamagtanom ngan ma realize itun importansya hine kun diin dire na ine paraliton pa, makakaon pan presko nga mga utanon ngan pwede gihapon magin pakabuhi hiton kada kabataan pinaagi hin pagbabaligya.
