TACLOBAN CITY — Opisyal na nga igindeklara an state of calamity ha siyudad han Tacloban tungod han padayon nga paghataas han kaso hin dengue.
Ini in mahuman nga magkasarabut an mga miyembro han Sangguniang Panlungsod ha gindumara nga special session kasumpay han mao nga krisis.
Sumala kan Tacloban Vice-Mayor Jerry “Sambo” Yaokasin, nga gin aprubaran han SP an request ni Mayor Alfred Romualdez nga igpailarom ha state of calamity an siyudad para masolusyonan an nagtitikahataas nga kaso han dengue hemorrhagic fever.
Nangangaruyag signgon nga pupuydi na nga magamit an calamity fund han siyudad para ha mitigating measures nga gagamiton para ha mga ospital, mga dengue patients, pagpalit hin fogging machines, larvicides, dengue test kits ngan iba pa nga equipment.
Mababaruan nga labot la ha siyudad han Tacloban, nauna na gihapon pag deklara hin state of calamity an probinsya han Leyte.
