TACLOBAN CITY– Maabot 10 nga bag-o nga mga kaso an nairecord han yana la nga bulan han Enero, dinhe ha Sinirangan Bisayas.
Sumala kan Jelyn Lopez Malibago, tagapagyakan hiton DOH Regional Office-8, may-ada usa nga tikang ha syudad han Tacloban, 7 iton ha tikang ha Leyte ngan 2 naman nga tikang ha Southern Leyte.
Dugang pa han mao nga opisyal, nga han nakalabay la nga adlaw in may-ada 20 nga mga aktibo nga kaso ha bug-os nga rehiyon.
Subay han mao nga opisyal, mas habubo naman iton ihap han mga indibidwal nga apektado han Covid-19 kumpara han nakalabay nga tuig.
Dugang pa hine nga subay hitun report han mga hopsital, may-ada naman usa nga indibidwal iton aada ha severe ngan critical nga condition.
Nagpahimatngun naman ine ha publiko nga padayon la gihapon nga sumunod ha protocols ngan mamaghirot agud nga makalikay hine nga virus.
