TACLOBAN CITY– Malipayon nga ginpaangbit ni Damaso Oledan, Coach Secondary Girls 3000M Run Palarong Pambansa 2025, an ira kalipay ha manilampuson nga pagkakakuha hiton syahan nga gold medal para ha Sinirangan Bisayas ha mao nga paisan-isan.
Sumala kan Coach Damaso Oledan, dire hiya nagdadahom matungod nga tiyagpis hi Chrisia Mae Tajarros, ngan urosahon nga makakuha ine hin gold medal.
Ginmalatumat ni Oledan, nga hi Chrisia in anay swimmer pero ha tikadugay in ginbalhin ine hiya ha athletics.
Dugang pa ni Coach Damaso, han syahan nga pagkapot niya kan Chrisia ha training in nag-alangan hiya, matungod ha kahamubo ngan kamagasa hine.
Pero ha kaluyo hine, nakita niya an didikasyon ni Chrisia, ngan paniguro ha paghatag han iya bug-os nga kalugaringon kada nagkakamayda an mga ine paghag-id, ngan sugadman mga ginbubuligan nga paisan-isan.
Ginpaangbit pa ni Coach Oledan, nga nakita niya an potensyal han usa nga maupay nga atleta ha paniguro ngan pagkakamayda hin pukos nga makab-ot an ira hingyap ha kinabuhi.
Nagpapasalamat naman ine ha padayon nga suporta han kag-anak ni Chrisia, sugadman iya ginpaparayaw an nagin kadaugan hine, kun diin usa hiya nga nagin parte ha mahinungdanon nga panhitabo ha kinabuhi ni Chrisia kumo usa nga atleta.
