NATIONAL – Ginlalauman nga maatubang ha pagdungog han Senado ha adlaw han Martes, Agosto 27, an naaresto nga hira Sheila Guo, bugto han gintanggal nga hi ex-Bamban Mayor Alice Guo ngan Cassandra Ong, tinaglawas han Lucky South 99 POGO hub nga gin-raid han mga otoridad ha Porac, Pampanga ngan Corporate Secretary han Whirlwind Corporation.
Ha usa nga pahayag, ginmalatumat ni Senate Spokesperson Arnel Jose Bañas nga gin sigurado han National Bureau of Investigation an pag-atender nira Guo ngan Ong ha imbestigasyon. An NBI gihapon an magdadara ha duha tikadto ngan tilakat han Senado. Igtu-turnover daw gihapon hirsa Guo ngan Ong ha Senado kahuman han inquest proceedings.
Paghihingadayan ha schedules hearing ha Martes an pag-iskapo han anay mayora tikang ha Pilipinas ha kaluyo han existing arrest ngan immigration lookout orders, ngan krimen may paghisumpay ha POGOs.
Papangunahan han Senate Committee on Justice and Human Rights an pagdungon kaupod an Committee on Women, Children, Family Relations and Gender Equality ngan an Senate Committee on public services kumo tertiary committees.
Tatagan gihapon hin higayon hira Guo ngan Ong nga magpresenta han ira statement ngan bumulig ha mga nagpapadayon nga istoryahon ngan imbestigasyon.
