TACLOBAN CITY – Patay an usa nga senior citizen, mahuman ine nga malumos ha Inopacan Leyte.
Ginkilala iton biktima kan Marciano Mañacap, 82-anyos an pangidaron, usa nga senior citizen, ngan residente han Sition Maluy-a Brgy. Taon-taon, Inopacan, Leyte.
Sumala kan Pat. Gerald Manaog, Investigator-on-Case hiton Inopacan Municipal Police Station, usa nga concern citizen an nagreport ha ira buhatan kasumpay han nahikit-an hine nga lawas han waray na kinabuhi nga tawo.
Basar han inisyal nga imbestigasyon, kahuhuman la daw mag-inom han biktima, kun diin kumo kaparte han iya kada adlaw nga buruhaton in gin kukuha hine an iya karabaw para pakaunon ha area nga harani ha salog. Sumala pa hiton anak han biktima, mayda hypertension iton biktima ngan nagtutumar gihapon ine hin maintenance para ha iya high blood.
Gin dara naman an lawas han biktima ha Inopocan Rural Health Unit para han examinasyon.
