-- Advertisements --
TACLOBAN CITY – Dead on arrival an usa nga senior citizen mahuman nga maghikog ha sulod han ira panimalay ha Barangay Sagkahan Tacloban.
Ginkilala an biktima nga usa nga lalaki, 70-anyos an pangidaron, ngan residente han Brgy. 62-A Sagkahan, Tacloban City.
Sumala kan PMaj. Marjorie Manuta, Information Officer han Tacloban City Police Office, nadiskubrihan an patay nga lawas han biktima han umagad hine han bisitahon hine ha panimalay iton biktima.
Basar han inisyal nga imbestigasyon han kapulisan, nahikit-an an biktima nga nakabitay ha sulod han ira panimalay gamit iton motorcycle cable wire.
Personal naman nga problema iton gintotoohan nga rason ha pagpakamatay hiton biktima.
