Gin kumpirma han Armed Forces of the Philippines (AFP) nga waray presente nga “credible” ngan direkta nga hulga ha teritoryo ha Pilipinas, magin ha mga Pilipino o langyawanon nga aadi ha nasud an nagpapadayon nga kasamok ha Middle East nga nagtikang ha joint attack han US ngan Israel ha Iran nga nagresulta hin pagbulos han Islamis country.
Ha usa nga pahayag, ginmalatumat han Sandatahang Lakas ng Pilipinas nga mahugot nira nga ginbabantayan an developments ha rehiyon ha pakikigsumpayan ha Department of National Defense ngan iba pa nga ahensya.
Gin sigurado gihapon han AFP ha publiko nga nagpapabilin nga madig-on an kabutang han nasyunal nga seguridad, kadungan han pag-aghat ha ngatanan nga magpabilin nga kalmado, maghirot kontra ha sayop nga impormasyon ngan dumaop la ha mga verified government sources.
Nakaandam naman an militar nga umalalay ha posible nga repatriation han mga Pilipino ha mga apektado nga lugar ha oras nga ig mando ini.
