NATIONAL–Umabot na ha 54 ka Pilipino ha Israel an umaro hin repatriation ha butnga han nagpapadayon nga komosyon ha Middle East.
Sumala kan Philippine Ambassador to Israel Aileen Mendiola, mayada 32 ka turista ngan 22 ka overseas Filipino Workers (OFWs) an nagpahayag hin kagustohan nga makauli na ha Pilipinas.
Nakikit-an naman nga ayat yana, sumala ha Ambassador, kun paano hira mababalhin mahitungod waray flights tipagawas ngan tipasulod han Israel, sugad gihapon sarado na an iba nga land crossing didto.
Pero, sumala kan Mendiola nga plano nga unahon an mga turista nga stranded mahitungod nga waray hira panimalay didto, sanglit, nakikipagsumpayan na an embahada ha Ministry of Tourism han Israel agud nga makaiwas an mga ine.
Ine gihapon an nakikit-an nga ayat ha pagpapauli ha Pilipinas han lawas han namatay nga Pinay caregiver ha ISrael nga hi Mary Ann Velasquez de Vera.
As of March 2, sumala kan Mendiaola, imposible nga mauuli dayon an lawas han Pinay pero giniistoryahan na han ira team members kun paano ine mauuli ha nasud upod an asawa hine nga adto ha ISrael ngan bugto nga adto ha Qatar.
Basar ha datos han Department of Foreign Affairs (DFA), mayada 2.5-M ka Pilipino an adto ha Middle East, nga kasagaran in adto ha United Arab Emirates (UAE), Saudi Arabia ngan Qatar, samtang mayada 800 ha Iran.
