TACLOBAN CITY – Patay an usa nga senior citizen mahuman nga mabunggo an ginsasakyan hini nga e-trike han usa nga single motorcycle ha Brgy. San Joaquin, Palo, Leyte kakulop nga adlaw, Marso 13.
Ginkilala an mao nga biktima nga hi Maria Estelita Soliva, 66 anyos ngan residente la han mao nga lugar samtang ginkilala an driver han e-trike kan Jerome Comaling, residente han Javier Leyte.
Sumala kan PLt. Rusty Alvarado, Deputy Chief of Police han Palo MPS, basar ha inisyal nga imbestigasyon, natabok an mao nga e-trike ha mao nga national highway han nasabi nga lugar han mabunggo ini han usa nga single motorcycle nga paspasay an padalagan.
Nakag-angkon hin grabe nga mga samad ha lawas an driver han motorsiklo ngan e-trike nga dayon gindara han mga otoridad ha EVMC samtang gindeklara nga dead on arrival an pasahero han e-trike.
Mababaruan nga an rider han single nga motorsiklo in api ha usa nga sporting event o Edurance challenge ha Ormoc City.
