-- Advertisements --
NATIONAL NEWS– Ginpanhimuwa ni Senator Christopher Go, an nagsarang nga report online nga namatay na hi anay Pangulong Rodrigo Duterte.
Mababaruan, nagsarang an video nga mayda peke nga istorya kasumpay ha daw pagkamatay ni anay pangulo nga nakaalarma naman ha pira nga netizen.
Ha kaluyo hine, nagpagawas hin video hi Sen. Go nga nagsirbi kumo special assistant han anay Pangulo, kun diin ginpahayag hine nga buhi ngan makusog pa an anay presidente.
Ginpahayag gihapon han anay Pangulo nga lagas ngan dire malilikayan an magkasakit.
Manunumduman, hi Duterte in 79 anyos na yana ngan hiya an pinakalagas nga pangulo han Pilipinas kun diin nakada ha 71 anyos pala ine.
Samtang, ginsagdunan naman han Senador an mga Pilipino nga likayan ha fake news.
