TACLOBAN CITY – Nagpahinumdom an Securities and Exchange Commission Tacloban ha publiko, nga mag-ikmat yana nga pira nala ka oras in igseselibrar na an Valentines Day.
Sumala kan Joamir Perpiñan, SEC. Administratove I, mag-ikmat ha pagpapadara hiton aton personal nga kwarta ha mga tawo nga dire kilala.
An Love Scam in usa nga modus hiton mga singabot nga mga personahe, nga karuyag mangawat hin salapi ha igkasi tawo pinaagi hiton panguwat gamit an social media.
Dugang pa hine, nga mas maupay manginano ngan mag-ikmat ha mga posible nga modus han mga manguruwat.
Sumala pa kan Perpiñan, yana nga makabag-o na an teknolohiya usa ha mga gingagamit han nangunguwat iton gintatawag nga Artificial intelligence (AI), nga alagid-agid nga nasusubad an nawong hiton indibidwal.
Mababaruan, nga nahurak an gintatawag nga love scam dire la ha kinada bulan hiton Pebrero, sanglit ginpapag-ikmat iton publiko nga mag-hirot ngan mabinantayon ha tanan nga higayon.
Likayan nga magpadara hin mga litrato, videos, ngan magin mga personal nga impormasyon, matungod nga pwede ine magamit hiton mga scammer agud nga makapanguwat.
