Mayda panibag-o nga kalangpusan an SB19 mahuman nga makasulod an ira collaboration song nga “Toyfriend” kaupod an Japanese group nga Be:First ha Genius Japan Overall Song Chart.
Nag-debut an kanta ha ika-4 nga pwesto yana nga semana, nga amu naman an pinakasyahan nga entry han SB19 ha nasabi nga chart.
Subay ha Genius, usa ini ha pinakadako nga platform para ha ”song lyrics and musical knowledge.”
Labot pa hini, sumulod gihapon di pala maiha an ira kanta nga “Wakas” ha ika-9 nga puwesto han Billboard World Digital Song Sales Chart.
An duha nga kanta in kalakip ha ira pinakabag-o nga album nga “Wakas ngan Simula” nga ginpagawas dida han Marso.
Manunumduman nga nagperform an P-pop group ha Dance Universe Never Killed (DUNK) Showcase ha Japan dida han nakalabay nga bulan kaupod an iba pa nga P-pop acts.
Samtang, ginlalauman nga pagdudumaraon han SB19 an ira “Wakas at Simula: The Trilogy Finale” concert ha Abril 18 ha SMDC Festival Grounds.
Nakatalaan gihapon hira nga magperform ha Lollapalooza 2026 ha Chicago ngan Summer Sonic ha Japan yana nga tuig.
