Natuod hi Presidential Communications Office (PCO) Acting Secretary Dave Gomez nga an pagdamo han impormasyon ha social media kasumpay ha panlawas ni Presidente Ferdinand Marcos Jr. in kaparte han plano nga destabilisasyon ha gobyerno.
Ha usa nga mensahe ni Gomez, naka-detect an Anti-Fake News Desk han PCO hin tigdaay ngan dudrungan nga pagdamo han sayop nga impormasyon ha social media ngan magin an mga respetado nga main stream media in nabibiktima na gihapon han pag-atake han mga trolls ha panlawas han Presidente.
“The timing is suspect. Why the sudden surge at this time? Why resort to outright lies” why the desperation” Regardles , the motive is clear. Distract and destabilize our government,” duon pa ni Gomez.
Sumala ha Sekretarya, aada kita ha state of energy emergency ngan an Presidente in dire magpapadara ha mga sugad nga aringasa.
Nagpapabilin daw ni Presidente Marcos nga nakatutok ha pagresolba ha krsisi ha enerhiya ngan pagbulig ha kada pamilya nga Pilipino agud mapaupay an kinabuhi ngan mapakusog an ekonomiya.
Mahitungod hini in padayon daw an ginbubuhat nga pagsubaybay ngan pagdo-dokumento ha kada post, comment, ngan kada buwa nga ira gagamiton nga ebidensya ha korte.
“We will identify the perpetrators, trace their networks, and file the proper charges in court once the evidence is complete hopefully by next week,” pahayag pa han sekretarya.
