SAMAR – Gin pahayag ni Former Samar 1st District Representative Edgar Mary Sarmiento nga nalilipay hiya ha nagin desisyon han House Committee on Justice ha nahitabo nga ika-upat ngan katapusan nga pagdungog han komite kakulop nga adlaw, Abril 29 kabahin han impeachment complaints.
Ginmalatumat gihapon hini nga maupay an desisyon han mayorya nga dire abrihan an kahon nga gin surender han Bureau of Internal Revenue (BIR) kay mahitungod nga posible ini kwestyunon han korte ha oras na han impeachment trial.
Dugang pa ni Sarmiento, para ha iya an korte o an Senado an angay mag-abri han kahon agud malikayan an isyu.
Sumala pa kan Sarmiento, 53 an nagin botos han pagtudlok kun may-ada ‘probable cause’ an impeachment complaints nga ginpasaka han mga complainants, karuyag sidngon nakitaan ini hin supresyente nga ebidensya ngan mabug-at an kaso nga igin salawad kontra kan Vice President Sara Duterte.
Samtang, nakatalaan naman igpresenta ha plenaryo an resulta han nagin trabaho han House Justice Committee yana mga Lunes. Mayo 4.
