TACLOBAN CITY – Nagbutang ngan nakiduyog an bungto han San Miguel, Leyte ha nagtitikahirani nga pagselebrar han kapaskuhan han yana nga tuig.
Sumala kan San Miguel, Leyte Mayor Atty. Norman Sabdao, nga mahuman an pira katuig nga pagkakaada hin mga lockdowns tungod han COVID-19 in ira pa mas ginpahaluag ngan ginpatukalan an mga restrictions kontra han virus in labi na nga hinay hinay na gihapon nga nabalik ha normal an panginabuhi han mga residente.
Han una manggud nga tuig in nagbutang hira hin christmas display pero diri abre an gate han munisipyo nga puydi pasyadahan han mga mulopyo nga diri parehas han yana nga puydi na sumulod ngan makapagpicture ha sulod han municipal grounds.
Ginsisigurado gihapon han mao nga LGU nga masusunod la gihapon an mga ginpapatuman nga mga health safety protocols sugad han social distancing ngan mayda gihapon ginbutang nga mga martials nga magbabantay ngan magsisigurado han kahimyangan han lugar.
Man ngani, in mahugot la gihapon nga ginpapatuman an ira curfew ordinance salit kutob la ha alas 10 hitun gabi abri an ira christmas displays.
