TACLOBAN CITY- Nag-bilin hin duha nga patay ngan usa nga samaran mahuman an natabo nga shooting incident sa Purok 7, Barangay Carayman, Calbayog City ha Samar.
Sumala kan Police Senior Superintenent Nicolas Torre, Provincial Director han Samar Police Provincial Office (SPPO) nga guinkilala an mga namatay nga hira Reynaldo Daguman, empleyado han Municipal Trial Court han Sta. Margarita ngan usa nga sibilyan nga hi Randy Ramos.
Samaran naman hi SPO3 Joel Calagos nga padayon pa nga guintatambal ha hospital mahitungod han naangkon nga lima nga bala samtang nakatalwas naman ha pang atake hi SPO3 Constancio Ramos.
Dugang pa ni Torre nga ha luyo han damo nga anggulo nga dako an posiblidad nga target han mga suspek hi SPO3 Calagos mahitungod nga malinampuson ini nga nagdumara hin drug operation ugsa pa man nga mahitabo an mao nga insidente.
Samtang, nagpapadayon pa an imbestigasyon han mga kapulisan para ha kadugangan nga impormasyon.
An naging pamahayag ni Police Senior Superintenent Nicolas Torre, Provincial Director han Samar Police Provincial Office (SPPO).
Guinpahayag naman han mao nga opisyal nga nahisabutan na an pangila-an han mga suspek.
