-- Advertisements --
INTERNATIONAL NEWS– Ginbuyagyag ni Russian President Vladimir Putin nga nagbutang hira hin security buffer zone ha border nira hiton Ukraine.
Ginpahayag hine nga iya ginmanduhan an mga sundalo nira agud nga maghimo hin buffer zone para dayon nga mabalabgan an bisan anu nga pan-atake.
Nagpahayag naman hin dire pag-abuyon hi Ukrainian foreign ministry spokesperson Heorhii Tykhyi ha gintindog nga buffer zone matungod nga nagpapakita la ine nga waray plano an Russia nga bumaton ha ginduduso nga ceasefire.
An nasabi nga anunsyo han Russia in gindumara ugsa an nakalataan nga prisoner exchange ha butnga han Ukraine ngan Russia.
