VILLABA, LEYTE – Utro nga naghapimatngun an opisina han Municipal Social Welfare and Development ha mga molupyo han Villaba, Leyte nga dire ig-abandona, igbaligya, ngan himuon nga bisitahan o balay bakasyonan an mga nakarawat nga unit han pabahay han National Housing Authority.
Ginbisita han Municipal Social Welfare and Development kaupod an mga inter-agency committee sugad man an lokal nga pangobyernuhan han bungto han Villaba an Brgy. Iligay, Villaba, Leyte agud direkta pahimatngunan an mga residente mahuman tumalapas an mga ini ha mga aludayday nga ginpagawas nira may paghisumpay ha pabahay.
Sumala kan MSWDO Villaba Flor Pastor, an mga unit han pabahay nga gin-abandona han mga tag-iya in ig-dedeklara na nga bakante agud maihatag ha mga mulupyo nga mas nanginginahanglan.
Samtang, nananawagan naman hi Pastor ha 111 nga identified absentee awardee han nasabi nga mga pabahay nga mag desisyon sugad man ig-surrender na ha LGU an mga unit agud maideklarar nga bakante agud maihatag ini ha iba.
(Via Nina Magpili)
