METRO MANILA – Humitaas pa an inventory han bugas ha Pilipinas dida han bulan han Marso.
Ha updated report nga ginpagawas han Philippine Statistics Authority, sumaka ha 1.88 million metric tons an kabug-usan nga stock han bugas ha bug-os nga nasud ha mao nga bulan.
Mas hitaas ini hin 16.5% kumpara ha rice inventory dida han Marso 2025 nga umabot la ha 1.61 million metric tons.
Mas dako nga parte nga stock in tikang ha National Food Authority, humitaas an stock han ahensya ha mga bodega hini hin haros 35%.
Humitaas gihapon hin 15.9% an stock han bugas ha households samtang 6.9% naman an ginhitaas han mga imbentaryo tikang ha commercial sector.
Ha kaluyo hini, humitaas an stock han bugas ha nasud ha mao nga bulan kun diin mas hamubo naman hin 11.1% kumpara ha imbentarya ha ginsundan hini nga bulan.
